Fótbolti.net

Paul Westren: Einstaklingsmistök af okkar hálfu

Davíð Smári: Við stressuðumst ekkert og vorum þolinmóðir

Ómar Ingi: Býst við að vera áfram

Láki: Gátu ekki verið mikið ódýrari mörk

Sindri Snær: Þorðum að spila sem er helvíti töff

Jóhann Hilmar: Tilfinningin er góð, ekki hægt að neita því

Ási: Það er erfitt að vinna leik þegar þú skorar ekki mark

Alfreð Elías: Þetta er bara óþolandi og algjörlega óboðlegt

Sandra: Óska mótherjum okkar bara góðs gengis að verjast henni

Arnar Halls: Gott Lengjudeildarlið er það sem ég þrái

Pétur: Þorsteinn Halldórsson, farðu að velja Örnu Sif í landsliðið

Sædís Rún: Mikilvægt að fá inn mörk

Kristján Guðmunds: Virðumst vera að spila við þau lið í hverri umferð sem eru efst

Bjössi: „Konsept sem að mig dreymir um að gera á Selfossi"

Rebekka Sverrisdóttir: Bjuggumst ekki við þessu

Gunnar Magnús: Ekki eitthvað sem þær voru að búa til og skapa

Arnar Páll: Ótrúlegt að línuvörðurinn sjái þetta ekki

Nik: Var ekki sérlega áhorfsvænn leikur

Sigrún Gunndís: Vantar ekki baráttu eða spil

Arnar Gunnlaugs: Menn eru ekkert alveg að drepast úr sjálfstrausti þessa dagana

mið 26. janúar 2022 21:30

@saebjornth

Sæbjörn Þór Þórbergsson Steinke

Dahl: Vonast til að hjálpa Leikni að skora meira en liðið gerði í fyrra

Mikkel Dahl og Siggi þjálfari.

Mynd: Leiknir R.

Mynd: HB.fo

Mikkel Dahl er 28 ára danskur sóknarmaður sem varmarkahæstur í færeysku Betri-deildinni á síðasta tímabili. Hann sló markamet færeysku deildarinnar í fyrra þegar hann skoraði 27 mörk fyrir HB. Hann var kynntur sem nýr leikmaður Leiknis í síðustu viku og ræddi við Fótbolta.net í gær.

„Fyrstu dagarnir hafa verið góðir og ákefðin á æfingum hefur verið fín. Það eru auðvitað nokkrir hlutir sem við þurfum að kunna og við erum að læra inn á þá," sagði Mikkel.

Viðtalið í heild má sjá í spilaranum að ofan

„Það var mikið rætt við marga umboðsmenn frá nánast öllum stöðum í heiminum en ég hafði góða tilfinningu fyrir því að koma í Leikni. Ég ræddi við Sigga þjálfara, sá nokkra leiki sem hann sendi mér og ég gat séð að leikstíll liðsins passar við minn leikstíl. Mér líkar við fótboltann og fannst að þetta væri rétta skrefið fyrir mig."

Horfir þú á skrefið til Íslands sem skref upp á við frá færeysku deildinni?

„Já, ég tel íslensku deildina vera betri. Það eru nokkur góð lið, toppliðin í færeysku deildinni, en á heildina litið þá sé ég íslensku deildina sem skref upp á við. Ég viðurkenni að ég þekki ekki allt í tengslum við deildina en ég hef aðeins fylgst með síðustu ár. Á þessum tímapunkti veit ég ekki alveg við hverju ég á að búast."

Ræddiru við einhvern leikmann áður en þú ákvaðst að koma til Íslands? „Ég ræddi við leikmann HB sem hafði verið hjá FH [Jákup Thomsen] og hann sagði að deildin væri góð. Það hafði ekki úrslitaáhrif heldur frekar spjallið við Sigga og hvernig liðið spilar."

Dahl skoraði 41 mark í 38 leikjum með HB í Betri-deildinni. Hefuru alltaf verið jafnmikill markaskorari? „Ég hef alltaf skorað mörk en auðvitað skoraði ég mun fleiri mörk en áður þetta síðasta eina og hálfa árið. Ég hef hugsað vel um líkamann á mér og spila því mun meira en ég gerði áður."

Hann var spurður út í leikstíl sinn, við hverju má búast? „Ég hef séð Sævar [Atla Magnússon] spila aðeins með Lyngby og ég sé hluti í hans leik sem eru líka í mínum leik. Ég er snöggur, get hlaupið mikið og af mikill ákefð. Ég held að ég passi vel inn í leikstílinn hér, hápressa, djúp hlaup og að reyna teygja á varnarlínu andstæðinganna."

„Ég vonast til að hjálpa liðinu að skora mörk, leiðinlega svarið er að við erum lið og við verjumst og sækjum sem lið. Ég er fenginn til þess að skora mörk og vonandi get ég hjálpað liðinu að skora meira en það gerði á síðasta tímabili."

Að lokum, ertu með eitthvað markmið þegar kemur að næsta skrefi á ferlinum? „Á þessari stundu lít ég ekki mikið lengra en að spila hér með Leikni, það skiptir ekki máli ef ég stend mig ekki vel núna. Eftir að ég hef staðið mig vel þá get ég horft á mögulegt næsta skref," sagði Mikkel Dahl að lokum.

Athugasemdir

Nýjustu fréttirnar