Mertens, sem er 32 ára gamall, gat farið frá Napoli í janúar en Chelsea hafði mikinn áhuga á að fá hann.

Belgíski leikmaðurinn ákvað hins vegar að vera áfram með það í huga að bæta markametið hjá Napoli.

Honum tókst að jafna það í gær með laglegu marki á 30. mínútu og er hann nú með 121 mark eða jafnmörg mörk og Marek Hamsik, sem yfirgaf Napoli á síðasta ári og hélt til Kína.

Það er afar líklegt að Mertens eigi eftir að eigna sér metið á næstu vikum en hann kom til félagsins frá PSV árið 2013.

Mertens verður samningslaus í sumar og eru allar líkur á því að hann yfirgefi Napoli og haldi til Englands.