Antonio Conte, stjóri Tottenham, segir að hann sé enginn töframaður og þarf mun meiri tíma til að snúa gengi liðsins við.
Tottenham tapaði virkilega óvænt í Sambandsdeildinni í gær gegn smáliði Mura en það síðarnefnda hafði betur 2-1 á heimavelli.
Conte sá hans tíu menn tapa þessum leik en Ryan Sessegnon fékk að líta rauða spjaldið í fyrri hálfleik.
Conte tók við af Nuno Santo fyrr á þessari leiktíð en Tottenham hefur alls ekki verið sannfærandi undanfarna mánuði.
„Við þurfum að gera mun betur í mörgum hlutum. Í fótbolta þá er mikilvægt að sjá, hvar ert þú núna? Hvað viltu í framhaldinu? Við þurfum að bæta svo marga hluti," sagði Conte.
„Liðið er stórkostlegt að utan, að byggja nýjan völl og framvegis en nú erum við á eftir öðrum."
„Það er mikilvægt að vita þetta því ég er enginn töframaður og eftir þrjár vikur þá hef ég áttað mig á því að ég er með leikmenn sem vilja leggja sig fram og vinna en stundum er það ekki nóg."
Athugasemdir
