Fótbolti.net

Magnað viðtal við Glódísi - „Mun aldrei fyrirgefa mér það"

Ingibjörg meyr: Við ætlum að fokking vinna Noreg

Dagný: Ég hefði viljað ná að brjóta

Haddi: Ég skil ekki af hverju allir efast um Viðar

Ívar Örn: Það fer okkur mjög vel að spila hér í Laugardalnum

Grímsi: Vonandi er stíflan brostin sem ég er búinn að vera að glíma við

Óskar Hrafn: Ekkert grín að vera með þrjá fullvaxta karlmenn sem fá að faðma þig

Á tvo fulltrúa í íslenska liðinu - „Átti alveg von á því að hún yrði í þessum sporum"

Þorgerður Katrín: Ég hef alveg upplifað það verra

Pabbi Karólínu: Hún hafði einhverja áru yfir sér

Goðsögnin Ásta B: Þetta eru bara heimsklassa leikmenn

Kærasti Glódísar: Eigum við ekki bara að segja að það komi í ljós?

„Erfiðara að horfa á börnin mín en þegar ég var sjálf að spila"

Hemmi Hreiðars: Rosalegur karakterssigur

Aðalsteinn Jóhann: Ég hef ekki hugmynd um það

Gylfi Þór: Vonandi verður þetta jákvætt í lok tímabilsins

Lárus Orri: Frekar fúllt að labba héðan í burtu með ekkert stig

Eyjamenn stöðvuðu blæðinguna - „Maður er búinn að bíða eftir því"

Sölvi Geir: Ætla að vona að þetta sé að einhverju leyti vellinum að kenna

Haraldur Einar: Vaknaði ferskur og írskir dagar

þri 26. nóvember 2024 16:00

Guðmundur Aðalsteinn Ásgeirsson

Aftur upp í Bestu deildina - „Í sjálfu sér seldur eftir þann fund"

Róbert Hauksson.

Mynd: Fótbolti.net - Hafliði Breiðfjörð

Róbert fagnar marki með Leikni síðasta sumar.

Mynd: Jónína Guðbjörg Guðbjartsdóttir

„Ég er hrikalega spenntur að byrja. Þetta er mikið verkefni sem er í gangi og ég er spenntur að taka þátt í því," segir Róbert Hauksson, nýr leikmaður Fram, í samtali við Fótbolta.net.

Róbert, sem er fæddur árið 2001, hafði leikið með Leikni frá 2022 en í sumar spilaði hann 15 leiki í Lengjudeildinni og skoraði fimm mörk. Hann leikur yfirleitt á kantinum.

27.09.2024 13:37

Róbert Hauks í Fram (Staðfest)

Róbert er uppalinn hjá Þrótti Reykjavík og lék þar stórt hlutverk áður en hann fór til Leiknis fyrir Bestu deildina 2022. En núna hefst nýr kafli hjá Fram.

„Í lok tímabils talar Fram við Leikni og biður um leyfi að fá að ræða við mig. Síðan fer ég á fund með Rúnari (Kristinssyni) og Gareth (Owen). Ég er í sjálfu sér seldur eftir þann fund. Ég þurfti ekki að hugsa mig mikið um eftir að þeir útskýrðu planið," segir Róbert.

Það er erfitt að segja nei við Rúnar Kristinsson.

„Það er svolítið erfitt. Þetta er maður sem kann að ná árangri. Ég held að ég geti lært helling af honum. Það verður mjög flott að spila hjá honum."

Lærði helling hjá Leikni
Róbert segir að Fram sé félag sem eigi að gæla við að vera í topp sex og jafnvel um að komast í Evrópu. Það sé mikil uppsveifla í Úlfarsárdalnum.

Róbert hefði viljað gera betur með Leikni en hann segir að tíminn þar hafi verið skemmtilegur og liðið flott.

„Þetta var virkilega skemmtilegur tími, flott lið og ég lærði helling þarna. Að því leytinu til var þetta mjög góður tími en hann einkenndist af einhverju leyti að vonbrigðum. Að tapa í umspilinu í fyrra og komast ekki í það í ár," segir Róbert.

„Ég kveð Leikni með miklum söknuði, það er ekki spurning."

Það eru spennandi tímar framundan. „Já, heldur betur. Ég er hrikalega spenntur og ég held að þetta verði frábært. Líf framherjans snýst um mörk og ég er að gæla við einhverja tölu í huganum. Draumurinn er að komast yfir tíu mörk og sjá hvert það tekur mann," sagði Róbert að lokum.

Allt viðtalið er í spilaranum hér fyrir ofan.