Bjarni Aðalsteinsson, leikmaður KA, meiddist í leiknum gegn Reyni Sandgerði í Mjólkurbikarnum í gær. Leikmaður Reynis fékk gult spjald fyrir að hafa tæklað Bjarna á 29. mínútu í gær og lá Bjarni eftir í um fimm mínútur áður en hann var tekinn af velli.
„Bjarni staðinn upp en þarf að fara af velli," skrifaði Jóhann Þór Hólmgrímsson í textalýsingu frá leiknum.
„Bjarni staðinn upp en þarf að fara af velli," skrifaði Jóhann Þór Hólmgrímsson í textalýsingu frá leiknum.
Lestu um leikinn: KA 4 - 1 Reynir S.
Í viðtali eftir leik var Arnar Grétarsson, þjálfari KA, spurður út í Bjarna.
„Fyrstu fréttir eru að hann hafi fengið heilahristing. Ef það er þá er hann allaveg frá á sunnudag. Eftir það er pása og þá verður hann orðinn fínn í næsta leik á eftir. Svona getur gerst í fótbolta, það var fullorðinstækling, hann fékk góða byltu og skall svona illa með hausinn í," sagði Arnar.
KA mætir Víkingi á útivelli á sunnudag en svo tekur við rúmlega tveggja vikna hlé vegna landsleikja.
Athugasemdir
