27.06.22 - 11:00
Sæbjörn Þór Þórbergsson Steinke
Matt Turner kynntur hjá Arsenal - Rúnar Alex númer fjögur?
Mynd: Arsenal
Rúnar Alex
Mynd: Fótbolti.net - Hafliði Breiðfjörð
Mynd: Arsenal
Arsenal kynnti í dag Matt Turner sem nýjan leikmann félagsins. Turner var keyptur í febrúar frá New England Revolution þar sem hann var samherji Arnórs Ingva Traustasonar.
Matt Turner sem oft er kallaður Matty er 28 ára gamall og á átján landsleiki að baki fyrir Bandaríkin. Hann skrifar undir langtímasamning við Arsenal.
Matt Turner sem oft er kallaður Matty er 28 ára gamall og á átján landsleiki að baki fyrir Bandaríkin. Hann skrifar undir langtímasamning við Arsenal.
✈️ From New Jersey to north London...
— Arsenal (@Arsenal) June 27, 2022
Welcome home, Matty Turner ❤️
Turner verður í treyju númer 30 hjá Arsenal. Fyrr í þessum mánuði sagði Turner frá því í viðtali að hann ætlaði að veita Aaron Ramsdale samkeppni um byrjunarliðssætið hjá Arsenal.
„Markmiðið mitt er að vinna mér inn sæti í byrjunarliðinu," sagði Turner.
Sem stendur eru Aaron Ramsdale, Matt Turner, Bernd Leno og Rúnar Alex Rúnarsson allir samningsbundnir Arsenal. Rúnar Alex var á láni hjá belgíska félaginu OH Leuven. Leno, sem var varmarkvörður Arsenal á síðasta tímabili, hefur verið orðaður við Fulham í sumar en lítið hefur heyrt af þeim skiptum að undanförnu.
Að öllu óbreyttu má ætla að Rúnar Alex sé númer fjögur í baráttunni um aðalmarkvarðarstöðuna.
Rúnar Alex
Mynd: Fótbolti.net - Hafliði Breiðfjörð
