Allir Magnamenn þekkja Lars Óla en hann er að spila sitt níunda tímabil með félaginu á ferlinum.

Lars er uppalinn í Þór en skipti yfir í Magna árið 2010 og hefur skorað 51 mark í deild- og bikar fyrir félagið. Síðustu tvö tímabil hefur hann spilað fyrir Ægi og Kórdrengi, en er nú kominn aftur á Grenivík.

Þá fékk Magni til sínn fyrrum unglingalandsliðsmanns Írlands en sá heitir Jesse Devers og er 25 ára gamall framherji.

Devers var á mála hjá enska úrvalsdeildarfélaginu Wolves frá 2013 til 2016 áður en hann hélt aftur til heimalandsins. Þar hefur hann spilað fyrir Galway United, Sligo Rovers og nú síðast Finn Harps, en hann á 43 leiki og 3 mörk fyrir þessi lið í efstu deild í Írlandi. Þá á hann 23 leiki í næst efstu deild og skoraði þar 5 mörk.

Þessi ágæti leikmaður á 9 landsleiki að baki fyrir U16 og U17 ára landslið Írlands og gerði eitt mark en það er ljóst að Magni er að fá til sín ágætis leikmann fyrir lokasprettinn.

Magni er í botnsæti 2. deildarinnar með 6 stig en það er spurning hvort þessir tveir geta hjálpað til við safna stigum í lokaleikjum deildarinnar.