„Mér finnst úrslitin ekki gefa rétta mynd af leiknum. Við vorum betra liðið í 80 mínútur. Eftir að þær skora seinna markið þeirra, sem var lélegt mark til að fá á sig, fórum við að stiga ofar á völlinn og sækja mun meira. Síðan seint í leiknum ná þær að skora tvö. En við getum gengið stoltar frá borði og tekið þessa frammistöðu með okkur í umspilið.“ sagði Jonathan Glenn, þjálfari Keflavíkur, eftir 4-1 tap gegn Val á Hlíðarenda.
Lestu um leikinn: Valur 4 - 1 Keflavík
Jonathan Glenn var einnig spurður út í fyrri hálfleikinn sem hann hlýtur að vera mjög stoltur af.
„Eins og ég sagði áðan að þá vorum við að pressa þær og sækja og sækja. Ég er ánægður með þessa vinnu sem við lögðum í leikinn.“
Glenn var spurður út í hvað honum fannst fara úrskeðis í dag.
„Ég held að leikmennirnir sem þær settu inn á af bekknum er mjög góðir leikmenn. Þessir leikmenn sem komu inn á hjá þeim gerðu mjög vel.“
Núna er hefðbunda íslandsmótinu lokið en Jonathan Glenn talar um hvernig honum hefur tímabilið hafa verið til þessa.
„Það eru augnablik þar sem við hefðum geta gert betur. En ef við hornum í stigin þá erum við með einu stigi meira en Keflavík náði í fyrra. Við fórum lengra í bikarnum líka. Við höfum bætt okkur mjög vel en auðvitað er aðalmarkmiðið að halda sér í deildinni.“
Næst er það umspilið þar sem Keflavík verður í harðri fallbaráttu við ÍBV og Tindastól en Glenn ræddi möguleika Keflvíkinga í umspilinu.
„Hópurinn er góður. Seinustu fjórir leikir hafa verið á móti góðum liðum og við erum í góðum gír. Við unnum gegn Þrótti á dögunum en töpuðum í dag. Hópurinn er í góðu standi fyrir umspilið.“ sagði Jonathan Glenn, þjálfari Keflavíkur, eftir 4-1 tap gegn Val.
Viðtalið má sjá í heild sinni í spilaranum hér að ofan.
