Fréttir þess efnis að Zlatan Ibrahimovic væri búinn að kaupa stóran hlut í Hammarby hafa fallið í grýttan jarðveg hjá stuðningsmönnum Malmö.
Zlatan er með háleitar hugmyndir með Hammarby og ætlar að markaðssetja félagið erlendis. Hann hefur meðal annars sagst ætla að sjá til þess að fótboltaáhugafólk um allan heim þekki merki Hammarby.
Zlatan er með háleitar hugmyndir með Hammarby og ætlar að markaðssetja félagið erlendis. Hann hefur meðal annars sagst ætla að sjá til þess að fótboltaáhugafólk um allan heim þekki merki Hammarby.
Zlatan er uppalinn hjá Malmö og aðalliðsferill hans hófst hjá félaginu. Ekki er langt síðan sett var upp stytta af honum fyrir utan leikvang Malmö.
„Fólk er ekki sátt við þetta. Sumir eru sárir og hafa orðið fyrir vonbrigðum, sumir eru reiðir og sumum finnst þetta heimskulegt," segir Kaveh Hosseinpour, varaforseti stuðningsmannahóps Malmö.
„Styttan hefur enga merkingu núna miðað við það sem hann er að gera. Hann vill að annað félag verði stærra og betra en félagið sem bjó hann til. Hann vinnur gegn Malmö sem borg."
Athugasemdir