Langa íslenska undirbúningstímabilið heldur áfram í dag og verða tveir leikir spilaðir.
Í Reykjavíkurmóti kvenna tekur Víkingur Reykjavík á móti Val. Það verður fróðlegt að sjá hvort Víkingar, sem eru í Lengjudeildinni, geti staðið í Valskonum, sem eru eitt besta lið Pepsi Max-deildarinnar.
Þetta er lokaleikurinn í riðlinum en Valur vinnur riðilinn með annað hvort sigri eða jafntefli. Víkingur er án stiga fyrir leikinn en það eru aðeins þrjú lið í riðlinum. KR er einnig í honum en hefur leikið báða leiki sína. Sigurliðið í riðlinum mun spila við Fylki í úrslitaleik.
Flautað verður til leiks klukkan 19:00 á Víkingsvelli en klukkutíma síðar hefst leikur KV og Árborgar í C-deild Fótbolta.net mótsins. Leikið verður á KR-velli í Vesturbæ.
fimmtudagur 28. janúar
Reykjavíkurmót kvenna - A-riðill
19:00 Víkingur R.-Valur (Víkingsvöllur)
Fótbolta.net mótið - C-deild riðill 2
20:00 KV-Árborg (KR-völlur)
Athugasemdir