Lestu um leikinn: Leiknir R. 0 -  0 Vestri

„Við vorum að spila hérna á móti einu besta liði í fyrstu deild á þessum tíma og (þeir) eru með mjög skemmtilegt og samhæft lið þannig að ég var mjög ánægður með sérstaklega varnarleikinn''.

„Við héldum hreinu og svo svona eins og lið eins og við sem erum með hraða menn fram á við, við gátum alveg stolið þessu''

Leikurinn í dag var frekar tíðindalítill. Völlurinn var blautur og og fóru mörg gul spjöld á loft. Bjarni benti á að það er yfirleitt talsvert mikið um spjöld í byrjun móts.

„Svo er þetta alltaf þannig á vorin eða á miðju sumri núna að þegar að menn eru að fara af stað að þá eru fleiri spjöld í upphafi móts''

Félagsskiptaglugginn lokar á næstu dögum. Vestri fékk á dögunum Gunnar Jónas Hauksson á lánsamningi frá Gróttu, annað tímabilið í röð. Hann kom þó ekki við sögu í leiknum í dag. Bjarni glotti aðeins við og sagði að það væri alltaf ákveðin spenna hjá þjálfurum áður en glugginn lokar.

„Þetta eru alltaf svo spennadi dagar þegar er verið að loka glugganum fyrir þjálfara hvað formennirnir gera, maður veit aldrei neitt''