Mótanefnd KSÍ hefur fært tvo síðustu heimaleiki Fjölnis í Pepsi Max deild karla inn í Egilshöll.
Fjölnir mun ekki spila fleiri leiki á þessu tímabili á Extra-vellinum en búist er við því að grasið þar muni ekki höndla það í október.
Fjölnir mun ekki spila fleiri leiki á þessu tímabili á Extra-vellinum en búist er við því að grasið þar muni ekki höndla það í október.
Um er að ræða leiki Fjölnis og KR þann 15. október og leik Fjölnis og HK þann 24. október.
Tveir síðustu heimaleikir Fjölnis í Lengjudeild kvenna verða einnig í Egilhöll. Fjölnir mætir þar Aftureldingu á laugardaginn og Víkingi R. í næstu viku.
KR-ingar létu hressilega í sér heyra eftir að Gunnar Þór Gunnarsson sleit krossband í leik gegn Vængjum Júpíters í Egilshöll í júní. KR-ingar hótuðu meðal annars að fara í lögsókn vegna ástandsins á grasinu í Egilshöll.
KR-ingar varla búnir að jafna sig á Fylkisleiknum í gær þegar þeir fá þær fréttir að þeir þurfi að spila við Fjölni í Egilshöll. Væntanlega mikil kátína í vesturbænum.
— Þorkell Gunnar Sigurbjörnsson (@thorkellg) September 28, 2020
Athugasemdir
