Þreföld skipting Hull virkaði - Skoruðu allir

Hull City vann Bristol Rovers 3-1 á útivelli í ensku C-deildinni í gærkvöldi.

Grant McCann, stjóri Hull, gerði þrefalda skiptingu á 59. mínútu þegar liðið var 1-0 undir.

Regan Slater, Tom Eaves og Keane Lewis-Potter komu inn á og þeir höfðu heldur betur áhrif á leikinn.

Leikmennirnir skoruðu allir og tryggðu Hull mikilvægan 3-1 útisigur í topppbaráttu ensku C-deildarinnar.

Hull er í 2. sæti og stuðningsmenn félagsins vonast til að komast aftur upp í Championship deildina eftir fall á síðasta tímabili.