„Þetta var mikill gleðidagur, við stóðum okkur vel,” sagði Halldór Jón Sigurðsson þjálfari Þórs eftir 6-1 sigur á BÍ/Bolungarvík nú í kvöld.
Lestu um leikinn: Þór 6 - 1 BÍ/Bolungarvík
„Mér fannst við spila leikinn ágætlega í fyrri hálfleik en eftir að við urðum einum fleiri í seinni þá var þetta aldrei nein spurning. Í rauninni fannst mér þetta aldrei spurning, þeir ógnuðu ekki markinu okkar nema í föstum leikatriðum og við vissum líka að það yrði þannig, en fagmannlega gert hjá strákunum að sigla þessu heim.”
„Við undirbjuggum okkur mjög vel fyrir þennan leik og strákarnir voru klárir í mjög erfiðan leik því að BÍ eru góðir, þrátt fyrir að tölurnar í dag segi það kannski ekki endilega. Þeir eru klárlega með mjög flotta einstaklinga í sínu liði sem geta verið öllum liðum erfiðir.”
Gísli Páll Helgason er meiddur og heldur út til Bandaríkjanna í nám í Ágúst. Aðspurður hvort hann hafi spilað sinn síðasta leik fyrir Þór í sumar sagði Donni:
„Ég tel allar líkur á því. Við höldum bara í vonina en hann tognaði aftan í læri og það veit aldrei á gott.”
Nánar er rætt við Donna hér að ofan.
Athugasemdir
