Dregið var í riðlakeppni Meistaradeildar Evrópu í Mónakó í dag en Evrópumeistarar Liverpool fá nokkuð þægilegan riðil.
Það var mikið af stórstjörnum sem fylgdust með drættinum í dag en einnig voru afhent verðlaun fyrir árangur í Meistaradeildinni á síðustu leiktíð.
Paris Saint-Germain, Real Madrid, Club Brugge og Galatasaray eru í A-riðlinum en þarna mætast tvö af stærstu liðum heims. Það verður áhugavert að sjá hvort hin tvö liðin nái að stríða þeim en það verður þó að segjast að það er afar ólíklegt.
Í B-riðlinum eru Bayern München, Tottenham, Olympiakos og Rauða stjarnan á meðan Manchester City mætir Shakhtar Donetsk, Dinamo Zagreb frá Króatíu og Atalanta frá Ítalíu. Nokkuð þægilegur riðill fyrir Englandsmeistarana.
Juventus, Atlético Madrid, Bayer Leverkusen og Lokomotiv Moskva frá Rússlandi eru í D-riðli. Þá fá Evrópumeistarar Liverpool lið Napoli aftur í riðlakeppninni en einnig eru þar Red Bull Salzburg og Genk frá Belgíu.
Sterkasta riðillinn er vafalaust E-riðill en þar eru Barcelona, Borussia Dortmund og Inter. Slavia Prague fær þá einnig að leika í sama riðli en ljóst er að þetta gætu orðið sex erfiðir leikir fyrir liðið.
Áhugaverðasti riðillinn er hins vegar F-riðill. Zenit, Benfica, Leipzig og Lyon leika þar en allt eru þetta öflug lið sem eru líkleg til árangurs.
Chelsea, Ajax, Lille og Valencia eru svo í H-riðlinum.
Drátturinn í heild sinni:
A-riðill:
PSG
Real Madrid
Club Brugge
Galatasaray
B-riðill:
Bayern München
Tottenham Hotspur
Olympiakos
Rauða Stjarnan
C-riðill:
Man. City.
Shakhtar
Dinamo Zagreb
Atalanta
D-riðill:
Juventus
Atlético Madrid
Bayer Leverkusen
Lokomotiv Moskva
E-riðill:
Liverpool
Napoli
RB Salzburg
Genk
F-riðill:
Barcelona
Dortmund
Inter
Slavia Prag
G-riðill:
Zenit
Benfica
Leipzig
Lyon
H-riðill:
Chelsea
Ajax
Valencia
Lille
The official result of the 2019/20 #UCLdraw! 😍
— #UCLdraw (@ChampionsLeague) August 29, 2019
3⃣ toughest groups are __ __ & __ 🤔 pic.twitter.com/c7Xdro1vhn
Athugasemdir