Þorleifur Úlfarsson, leikmaður Houston Dynamo í Bandaríkjunum, lagði upp mark liðsins í 2-1 tapi gegn Portland Timbers í MLS-deildinni í nótt.
Íslenski framherjinn var annan leikinn í röð í byrjunarliði Houston og nýtti það tækifæri vel.
Portland komst vissulega tveimur mörkum yfir en þegar 25 mínútur voru eftir átti hann laglega fyrirgjöf á Darwin Quintero sem skoraði stórglæsilegt mark rétt fyrir utan teig.
Þetta var fyrsta stoðsending Þorleifs og þá var þetta einnig í fyrsta sinn sem hann spilar allan leikinn fyrir Houston í deildinni.
Hlutverk hans í liðinu fer stækkandi en liðið situr í 9. sæti Vestur-deildarinnar sem stendur.
Róbert Orri Þorkelsson kom inná sem varamaður á 76. mínútu í 2-1 sigri Montreal gegn Seattle Sounders. Montreal er á toppnum í Austurdeildinni með 29 stig.
A dime from Thor, and SUBLIME from @darwinJR3 🤯
— Houston Dynamo FC (@HoustonDynamo) June 30, 2022
GAME ON pic.twitter.com/J4SUuA5T9r
Athugasemdir