„Mjög góð, við jöfnum leikinn og erum komin 3-1 yfir á hálfleik. Ekki hægt að kvarta yfir því,“ sagði Brynjar Björn Gunnarsson þjálfari HK um viðbrögð liðs síns við að lenda 0-1 undir á þriðju mínútu gegn Aftureldingu í kvöld. Leik lauk 6-2 fyrir HK.
Lestu um leikinn: HK 6 - 2 Afturelding
Spurður um sú ákvörðun að hafa Valgeir í hægri bakverði í leiknum, eftir að Birkir Valur fór í atvinnumennsku sagði hann: „Það er bara lausn sem við höfum og höfum alltaf haft. Hann spilaði nokkra leiki þar í fyrra. Það kemur í ljós á næstu dögum og vikum hvernig það þróast.“
„Það er í lagi með alla, Stefan helst sem fékk smá krampa og Ari. Þeir hlupu mikið og eru ekki búnir að spila mikið af leikjum þannig að kannski ekki skrýtið að þeir fái smá krampa,“ sagði hann um nokkrar skiptingar í lok leiksins þar sem leikmenn litu út fyrir að hafa meiðst smávægilega.
Athugasemdir
