Newcastle United hefur áhuga á að fá Bryan Mbeumo, leikmann Brentford, í janúarglugganum en þetta kemur fram í Telegraph í dag.
Kamrúnski landsliðsmaðurinn hefur skorað átta mörk í níu deildarleikjum með Brentford á tímabilinu.
Það stefnir í að þetta verði hans besta tímabil með Brentford en hann þarf aðeins eitt mark til að jafna persónulegt markamet sitt í deildinni.
Eins og kom fram í slúðurpakkanum í morgun eru Arsenal og Liverpool bæði áhugasöm um Mbeumo, en Telegraph segir að Newcastle sé nú komið í baráttuna.
Newcastle væri til í að fá leikmanninn í janúarglugganum en þá þyrfti félagið að selja leikmenn næsta sumar til að eiga ekki á hættu að brjóta fjármálareglur deildarinnar.
Athugasemdir
