Man Utd ætlar að bjóða 70 milljónir fyrir Wharton - Newcastle undirbýr tilboð í Raphinha - Murillo á óskalista Barcelona - Toney ekki á förum
   sun 30. nóvember 2025 12:40
Sverrir Örn Einarsson
Eiður Orri á förum frá Keflavík?
Eiður Orri Ragnarsson
Eiður Orri Ragnarsson
Mynd: Fótbolti.net - Haukur Gunnarsson
Eiður Orri Ragnarsson 21 árs gamall kantmaður nýliða Keflavíkur í Bestu deildinni gæti samkvæmt heimildum Fótbolta.net verið á förum frá félaginu. Heimildir Fótbolta.net herma að áhugi sé á leikmanninum frá öðrum liðum í Bestu deildinni og að minnsta kosti eitt formlegt tilboð hafi borist Keflavík í leikmanninn.

Í útvarpsþætti Fótbolta.net kom fram hjá Elvari Geir Magnússyni að Eiður Orri hefði vakið áhuga Vals og hann væri á blaði hjá þeim fyrir komandi tímabil.

Eiður sem á ár eftir að samningi sínum við Keflavík gekk til liðs við liðið fyrir tímabilið 2025 eftir frábært tímabil með KFA árið 2024 þar sem hann gerði 13 mörk í 22 leikjum fyrir Austfjarðaliðið í 2.deild.

Hann var svo í stóru hlutverki hjá Keflavík í sumar þegar liðið tryggði sér sæti í Bestu deildinni með sigri í umspili Lengjudeildarinnar. Alls lék hann 24 leiki í deild og umspili og gerði þar 6 mörk þar af eitt í öruggum 4-0 sigri Keflavíkur á HK í úrslitaleik umspilsins.

Útvarpsþátturinn - Væntingar í Krikanum og Rúnar Kristins
Athugasemdir
banner
banner