Enska úrvalsdeildarfélagið Chelsea er að krækja í miðjumanninn Saul Niguez frá Atletico Madrid á Spáni.
Hann kemur á láni til Chelsea og mun Lundúnafélagið greiða 5 milljónir evra fyrir það.
Saul er öflugur miðjumaður sem hefur leikið með Atletico allan sinn feril með Atletico, fyrir utan eitt tímabil þar sem hann var á láni hjá Rayo Vallecano.
Saul mun heldur betur styrkja breiddina á miðsvæðinu hjá Chelsea sem ætlar sér Englandsmeistaratitilinn.
Saul verður líklega eini leikmaðurinn sem Chelsea fær í dag. Félagið hefur verið að reyna að kaupa miðvörðinn Jules Kounde frá Sevilla en það mun ekki ganga eftir í dag. Sevilla vildi ekki selja fyrir minna en 80 milljónir evra.
Athugasemdir