Pierre-Emerick Aubameyang, framherji Barcelona, er að ganga í raðir Chelsea, en viðræður eru komnar langt á veg og ætti allt að vera frágengið fyrir gluggalok.
Aubameyang kom til Barcelona frá Arsenal í janúar á þessu ári og gerði 11 mörk í 17 deildarleikjum.
Barcelona er nú reiðubúið að losa sig við hann eftir hálft ár hjá félaginu en Sky Sports greinir frá því í kvöld að viðræður félagsins við Chelsea séu komnar langt á veg.
Samkomulag er ekki alveg komið í höfn en bæði félög eru jákvæð á að þetta fari í gegn. Marco Alonso, vinstri bakvörður Chelsea, gæti farið í hina áttina, en hann hefur verið orðaður við Barcelona í allt sumar.
Chelsea ætlar að fá framherja og miðjumann inn í hópinn áður en glugginn lokar annað kvöld.
Athugasemdir