,,Ég er mjög stoltur og við erum öll svakalega ánægð," sagði Gunnar Rafn Borgþórsson þjálfari Vals eftir að liðið tryggði sér sæti í úrslitum Valitor-bikarsins með 1-0 sigur á Aftureldingu í kvöld.
Kristín Ýr Bjarnadóttir skoraði eina mark leiksins í kvöld en það kom í fyrri hálfleiknum.
,,Ég hefði viljað fá mark strax í kjölfarið í fyrri hálfleik. Við sóttum mjög mikið og áttum þrjú skot í slá og mikið af opnum færum. Þegar leið á leikinn var þetta barátta og vígvöllur."
Valur mætir KR í úrslitunum en þessi lið hafa leikið oft áður til úrslita í bikarnum.
,,Það verður sögulegt. Það er hægt að grafa í einhverjar gamlar spólur og búa til peppvídjó fyrir það."
,,Síðast 2008. KR sigrar. Nú verður hefnt," sagði Gunnar ákveðinn að lokum.
Hér að ofan má sjá viðtalið í heild sinni.
