Fjolla Shala fagnar öðru marka sinna í kvöld.
,,Ég er mjög ánægð með að hafa skorað, það er kominn tími til. Ég var búin að klúðra nokkrum dauðafærum," sagði Fjolla Shala sem skoraði tvö mörk í 3-1 sigri Fylkis á Þór/KA í Pepsi-deild kvenna í kvöld.
,,En ég meina, það er er fullt af liðum að kaupa útlendinga og eitthvað svona shit en þær eru samt ekki að gera neitt. Við erum bara að byggja á ungum leikmönnum. Ég er sátt með liðið mitt."
Nokkrir leikmanna Fylkis voru áberandi á Þjóðhátíð í Vestmannaeyjum þar sem þær voru merktar Fylki á myndum sem birtust opinberlega. En var vera þeirra þar ekkert að trufla liðið?
,,Ótrúlegt en satt fór ég ekki á þjóðhátíð, en það voru sumir sem fóru. En við æfðum rosalega vel eftir þjóðhátíð svo þetta situr ekkert í okkur."
Nánar er rætt við Fjollu í sjónvarpinu að ofan.
