Önnur af þessum ermum hjá Birni Daníel fékk að hverfa í dag.
,,Það er alveg frábært að klára þetta með sigri og lyfta bikarnum fyrir framan allan þennan fjölda. Stórkostlegt alveg" sagði Björn Daníel Sverrisson miðjumaður FH eftir 2 - 1 sigur á Val í lokaumferðinni í dag en eftir leikinn fengu FH-ingar Íslandsmeistarabikarinn afhentan, eftir að hafa unnið mótið með 13 stiga forskoti.
,,Mér fannst þetta ekki eins og fótboltaleikur, mér fannst þetta eins og borðtennisleikur. Ég held að ég hafi aldrei verið eins þreyttur eins og ég dag. Ég held að þetta hafi verið ágætis skemmtun fyrir áhorfendur og ennþá betra fyrir FH-inga."
Björn Daníel var í stuttermabol í kvöld, og innanundir í bol með einni langri og einni stuttri.
,,Ertu að tala um De Rossi? Ég ákvað að prufa eitthvað nýtt í síðasta leiknum og það tókst ekki betur en svo að við unnum 2 - 1 og mér fannst við spila ágætlega. Það er aldrei að vita að þetta sé eitthvað sem ég byrja að nota."
Daniele De Rossi lék í samskonar bol með Ítalíu á EM í sumar. Er hann í uppáhaldi hjá Birni Daníel?
,,Nei, alls ekki. Mér finnst hann ekkert sérstakur fótboltamaður. En þetta var hart lúkk sem hann setti í gang á EM svo ég ákvað að prufa þetta."
De Rossi var að fela stórt umdeilt tattú á hendini en var Björn Daníel ekki að fele neitt?
,,Nei, ekkert, ekkert hérna í gangi nema einhver hár og eitthvað. Þetta var bara eitthvað flipp í mér og var bara gaman."
Athugasemdir
