Um er að ræða síðasta hópinn áður en EM hópurinn verður tilkynntur þann 9. maí næstkomandi.

„Það eru 10-15 aðrir leikmenn sem eiga góðan möguleika á að komast til Frakklands og við erum að fylgjast með þeim eins og þessum. Við eigum bara möguleika á að taka 24 með í þetta verkefni."

Eiður Smári Guðjohnsen er á meðal leikmanna sem eru ekki í hópnum að þessu sinni.

„Suma leikmenn fengum við í janúar verkefnin. EIður Smári og Rúnar Már komust í bæði verkefnin í janúar og við töldum að það væri betra að skoða aðra leikmenn í þessi verkefni."

Margir miðverðir eru að berjast um sæti í hópnum fyrir EM en líklegt er að fjórir miðverðir verði í hópnum þar. Ragnar Sigurðsson og Kári Árnason eru á sínum stað í hópnum núna en þar eru einnig Sverrir Ingi Ingason og Hjörtur Hermannsson.

„Við erum ríkir í miðvarðarstöðunni. Við erum með Hallgrím, Sölva, Jón Guðna og Hólmar sem koma allir til greina en við vildum skoða þessa leikmenn í þessu verkefni."

„Við erum ánægðir með að ungu leikmennirnir hafa stigið upp undanfarna mánuði. Í þessum hóp eru Hjörtur, Sverrir, Hörður og Arnór Ingvi sem hafa allir verið að festa sig í sessi í sínum liðum.