Hafsteinn Briem.
„Maður er fullur tilhlökkunar á að takast á við þetta. Þetta verður ógeðslega gaman," segir Hafsteinn Briem, varnarmaður ÍBV, en liðið mætir Fjölni í fyrstu umferð Pepsi-deildarinnar klukkan 17:00 í dag.
„Fjölnismenn eru óskrifað blað eins og við. Þeim hefur gengið rosalega vel síðustu tvö ár og voru nálægt Evrópusæti í fyrra. Þeir eru með sterkt lið og eru búnir að styrkja sig. Fjölnismenn eru alltaf vel skipulagðir. Við þurfum að kafa ofan í það hvernig þeir spila og reyna að finna svör við þeirra leik."
Þrjár vikur eru síðan ÍBV spilaði síðast leik og leikmenn eru spenntir að komast út á völl í dag. „Ég held að það sé ágætt að menn mæti graðir í fyrsta leik og reyni að stjórna spennustiginu á einhvern hátt. Menn eru klárir."
Fótbolti.net spáir ÍBV 9. sæti í sumar en liðið er á þeim slóðum í flestum spám fyrir mót.
„Ég held að við getum komið ansi mörgum á óvart. Við höfum fengið nýja leikmenn og misst leikmenn en ég tel að hópurinn sé sterkari en í fyrra. Fyrstu leikirnir eru gríðarlega mikilvægir. Það eru leikir í byrjun sem við teljum að við getum unnið. Ef við byrjum vel þá held ég að það sé allt í boði fyrir okkur."
Hér að ofan má sjá viðtalið í heild sinni.
Ekki gleyma Draumaliðsdeild Eyjabita!
Mundu að gera breytingar á þínu liði í Draumaliðsdeild Eyjabita. Hægt er að skrá sig í allt sumar. Markaðurinn lokar klukkutíma fyrir fyrsta leik umferðarinnar.
Smelltu hér til að taka þátt í Draumaliðsleiknum!
Athugasemdir
