Varnarleikur HK-inga hefur verið til mikillar fyrirmyndar í sumar og þeir eiga markvörð og miðvörð í úrvalsliðinu. Það eru þeir Arnar Freyr Ólafsson og Guðmundur Þór Júlíusson.

Víkingur Ólafsvík á þrjá leikmenn í liðinu og þar á meðal besta leikmanninn, miðvörðinn Emmanuel Eli Keke sem reynst hefur algjör happafengur. Á miðjunni eru svo þeir Alexander Helgi Sigurðarson og Gonzalo Zamorano. Alexander kom á láni frá Breiðabliki og hefur spilað frábær en hinn sköpunarglaði Zamorano var hjá Huginn í fyrra.

Aðeins einn frá ÍA kemst í liðið en frammistaða leikmanna þeirra gulu hefur þótt frekar jöfn. Bakvörðurinn Hörður Ingi Gunnarsson er fulltrúi Skagamanna í úrvalsliðinu.

Þór Akureyri á þrjá í liðinu. Varnarmaðurinn Óskar Elías Zoega Óskarsson sem kom frá ÍBV síðasta vetur Spánverjarnir Ignacio Gil og Alvaro Montejo sem leikið hafa mjög vel í sumar og ná vel saman. Lárus Orri Sigurðsson, þjálfari Þórs, er þjálfari umferða 1-11 en Akureyrarliðið er í blússandi toppbaráttu.

Í sóknarlínunni má svo finna einn úr Leikni, hinn 18 ára Sævar Atli Magnússon er meðal markahæstu manna í deildinni. Sá markahæsti er þó Guðmundur Magnússon í Fram og hann er að sjálfsögðu í liðinu.

Leikmaður umferða 1-11: Emmanuel Keke (Víkingur Ó.)
Sjáðu viðtal við Keke
Þjálfari umferða 1-11: Lárus Orri (Þór)

Varamannabekkur: Robert Blakala (Njarðvík), Arnór Snær Guðmundsson (ÍA), Birkir Valur Jónsson (HK), Kwame Quee (Víkingur Ó.), Arnar Aðalgeirsson (Haukar) , Bjarni Gunnarsson (HK), Viktor Jónsson (Þróttur R.)