Leikur HK og Keflavíkur var athyglsiverður að nokkru leyti en þetta var fyrsti leikur HK inga í 3 vikur á meðan Keflvíkingar voru að leika sinn fjórða leik á sama tíma. Keflvíkingar unnu fyrri leik liðanna örugglega 3-0 en þar fór Simun Samuelssen hvað eftir annað illa með vörn HK.

Nokkrar breytingar voru á báðum liðum en hjá HK var Finnur Ólafsson í leikbanni og Ólafur V.Júlíusson datt einnig ú túr byrjunarliðinu, í þeirra stað komu Rúnar Páll Sigmundsson og Oliver Jaeger sem tók út leikbann gegn ÍA.

Keflvíkingar gerðu hvorki fleiri né færri en fimm breytingar frá bikarleiknum gegn Breiðablik. Bjarki Guðmundsson stóð markinu í stað Ómars Jóhannssonar sem fékk sér sæti á bekknum, það gerðu Guðmundur Steinarsson og Marco Kotilainen, Einar Orri Einarsson einnig en Guðmundur Mete er meiddur. Í þeirra stað komu Nicolai Jörgensen, Magnús Sverrir Þorsteinsson, Kenneth Gustavson og Hallgrímur Jónason.

Fyrri hálfleikurinn byrjaði mjög dauflega og gerðist fátt markvert. HK ingar héldu sig aftaarlega eins og búast mátti við en voru hættulegir í skyndisóknum. Keflvíkingar komust lítt áleiðis gegn þéttri vörn HK.

Það var ekki fyrr en á 23.mínútu að eitthvfað markvert gerðist en þá fengu Keflvíkingar mjög ódýra vítaspyrnu þegar Þórarinn Kristjánsson féll í teignum. Jónas Guðni Sævarsson fyrirliði Keflvíkinga fór á punktinn en Gunnleifur Gunnleifsson varði meistaralega í marki HK.

Keflvíkingar sóttu talsvert meira það sem eftir lifði hálfleiksins og voru stöðugt ógnandi án þess að ná að skapa sér nein færi. HK ingar voru ekkert sérstaklega ógnandi og náðu ekki að skapa sér nein færi. Staðan í hálfleik var því 0-0

Síðari hálfleikurinn byrjaði fjörlega og HK menn skoruðu á 50.mínútu. Rúnar Páll Sigmundsson sendi frábæra sendingu á Jón Þorgrím Stefánsson sem lék upp að vítateig Keflvíkinga renndi boltanum til hægri á Oliver Jaeger sem negldi boltanum glæsilega bláhornið vinstra megin, óverjandi fyrir Bjarka Guðmundsson markvörð Keflvíkinga.

Keflvíkingar færðu sig framar á völlin og komst Magnús Sverrir Þorsteinsson upp hægri kantinn, sendi góða sendingu fyrir á Hallgrímur Jónasson sem skallaði boltann á markið en beint á Gunnleif. HK ingar fengu ágætis færi á 66.mínútu þegar skalli Þórðar Birgissonar fór beint á markvörð Keflvíkinga, Bjarka Guðmundsson sem varði vel.

Sóknarþungi Keflvíkinga var orðinn mjög þungur og fengu þeir aukaspyrnu á góðum stað. Guðmundur Steinarsson sem var nýkominn inná sem varamaður tók hana en skot hans var langt yfir. Tveimur mínútum síðar fengu Keflvíkingar aðra vítaspyrnu. Simun Samuelssen laumaði sér bakvið varnarmenn HK og Stefán Jóhann Eggertsson virðist sparka í hann og vítaspyrna dæmd. Guðmundur Steinarsson tók hana og skoraði örugglega.

Margir bjuggust við að núna mundu Keflvíkingar ganga á lagið en annað kom í ljós. HK ingar hófu strax stórsókn, Hermann Geir Þórsson fékk boltann á vinstri kanntinum, hann sendi boltann fyrir þar sem Oliver Jaeger var mættur og var á undan Bjarka Guðmundssyni sem náði að verja en boltinn fór aftur til Jaegers sem sendi boltann út í teiginn á Jón Þorgrím sem negldi boltanum í netið. 2-1 fyrir HK.

Keflvíkingar sóttu stíft á lokamínútunum en náðu ekki að skapa sér almennileg færi og vörn HK og Gunnleifur Gunnleifsson tóku það sem þurfti að taka. Baráttusigur hjá HK mönnum og uppskáru 3 stig í kvöld.

---

HK Gunnleifur Gunnleifsson (f) – Stefán Jóhann Eggertsson, Ásgrímur Albertsson, Finnbogi Llorens, Hermann Geir Þórsson – Calum Þór Bett, Rúnar Páll Sigmundsson, Hólmar Örn Eyjólfsson, Jón Þorgrímur Stefánsson (Hörður Már Magnússon 81) – Þórður Birgisson(Ólafur V. Júlíusson 74), Oliver Jaeger
Ónotaðir varamenn: Þorlákur H. Hilmarsson, Davíð Magnússon,, Beitir Ólafsson, Eyþór Guðnason, Kristján Ari Halldórsson.

Keflavík Bjarki Guðmundsson – Guðjón Árn Antoníusson Kenneth Gustafsson, Nikolaj Jörgensen, Branislav Milicevic (Guðmundur Steinarsson 74) –Jónas Guðni Sævarsson, Baldur Sigurðsson (Marco Kotalainen 81) Hallgrímur Jónasson -Magnús Sverrir Þorsteinsson (Pétur Heiðar Kirstjánsson 58), Þórarinn Kristjánsson, Simun Samuelssen.
Ónotaðir varamenn: Ómar Jóhannsson, Einar Orri Einarsson,Garðar Eðvaldsson, Sigurbjörn Hafþórsson

Tölfræði:
HK - Keflavík
Skot: HK 8 – 9 Keflavík
á mark: HK 4 – 5 Keflavík
Horn: HK 4 – 4 Keflavík
Rangstaða: HK 5 – 2 Keflavík
Aukaspyrnur fengnar: HK 9 – 13 Keflavík
Gul spjöld: Calum Bett (HK) 23. fyrir brot, Nikolaj Jörgenssen (Keflavík), 43 fyrir brot. Jónas Guðni Sævarsson 63) Keflavík, Jón Þorgrímur Stefánsson fyrir að fara úr treyjunni 79. Hólmar Örn Eyjólfsson 93. fyrir brot.

Maður leiksins: Hólmar Örn Eyjólfsson (HK)
Dómari: Kristinn Jakobsson ágætur en hefur átt betri dag
Aðstæður: Léttskýjað og gola, völlurinn góður.
Áhorfendur: 595