HK tók á móti Keflavík á Kópavogsvelli í kvöld en fyrir leikinn var HK án stig en Keflavík með fullt hús stiga eftir sigra á Val og Fylki.

HK-ingar urðu fyrir mikilli blóðtöku í upphitun því Hólmar Örn Eyjólfsson meiddist í henni en Gunnleifur Gunnleifsson var heldur ekki með sökum meiðsla.

Hjá Keflavík voru þeir Nicolai Jörgensen og Guðmundur Viðar Mete ekki í leikmannahópi Keflavíkur.

Leikurinn var fremur jafn framan af en HK-ingar voru þó ögn sterkari en náðu aldrei að ógna marki Keflavíkur af einhverju ráði.

Þegar 40. mínútur voru búnar af leiknum fengu Keflvíkingar gott færi til þess að skora en þrátt fyrir nokkra möguleika á því að koma skoti að marki mistókst það ávallt.

Stuttu fyrir lok fyrri hálfleik átti Magnús Sverrir Þorsteinsson hörku skot að marki HK en Ögmundur Ólafsson sem stóð í marki HK varði vel.

Hvorugt liðið náði að skapa sér færi eftir þetta og staðan því markalaus þegar liðin gengu til búnignsherbergja.

Eftir fjórar mínútur í síðari hálfleik slapp Patrik Redo einn inn fyrir vörn HK eftir góða sending frá Guðmundi Steinarssyni enskot Redo fór framhjá

Aðeins andartaki síðar skoraði Mitja Brulc fyrir HK þegar hann fékk boltann inn í teig og eftir klafs í teignum náði hann að skófla honum yfir Ómar Jóhannsson sem var kominn út úr markinu. Þetta var fyrsta mark HK í sumar.

HK-ingar voru frískir í síðari hálfleik og þegar tólf mínútur voru búnar af síðari hálfleik fékk Þorlákur Helgi Hilmarsson inn í teig og átti gott skot að marki en Ómar varði vel.

Eftir þetta róaðsti leikurinn mikið en sóknarmenn Keflavíkur náðu ekki að skapa sér færi en HK-ingar spiluðu vel úr sínu.

Þegar tíu mínútur voru eftir skoraði Jón Gunnar Eysteinsson, fyrirgjöf kom frá hægri og eftir klafs í teignum kom boltinn út til Jóns Gunnars sem tók hann á lofti og setti hann í netið, vel gert hjá varamanninum Jóni.

Aðeins sex mínútum síðar skoraði Patrik Redo og kom Keflavík yfir. Hólmar Örn reyndi skot sem fór í varnarmann HK og hrökk inn fyrir þar sem Redo var réttur maður á réttum stað og átti ekki í vandræðum með að koma boltanum framhjá Ögmundi Ólafssyni sem stóð í marki HK.

Eftir þetta fjaraði leikurinn út og þriðji sigur Keflavíkur því staðreynd. Keflvíkingar settu í gírinn eftir að hafa lent undir og sýndu mikin karakter.

---

HK (4-5-1): Ögmundur Ólafsson, Stefán Eggertsson, Finnbogi Llorens Ásgrímur Albertsson, Hörður Árnason, Goran Brajkovic, Þorlákur Hilmarsson (Almir Cosic, 89), Finnur Ólafsson, Aaron Palomares (Iddi Alkhag 72), Mitja Brulc, Hermann Geir Þórsson(Damir Muminovic, 89) .
Ónotaðir Varamenn: Gunnleifur Gunnleifsson, Damir Muminovic, Calum Þór Bett, Hólmar Örn Eyjólfsson.

Keflavík (4-4-2) : Ómar Jóhannsson, Guðjón Árni Antoníusson, Kenneth Gustafsson, Hallgrímur Jónasson, Brynjar Guðmundsson, Magnús Sverrir Þorsteinsson (Hörður Sveinsson, 64) , Hans Yoo Mathiesen (Jón Gunnar Eysteinsson 64) Hólmar Örn Rúnarsson, Simun Samuelssen, Guðmundur Steinarsson (Þórarinn Brynjar Kristjánsson 74), Patrik Redo.
Ónotaðir varamenn: Högni Helgason, Magnús Þórir Matthíasson, Einar Orri Einarsson, Árni Freyr Ásgeirsson.

Maður leiksins Hólmar Örn Rúnarsson (Keflavík)
Áhorfendur 820 voru á Kópavogsvelli í kvöld.
Dómari Jóhannes Valgeirsson
Aðstæður Völlurinn fínn og ágætis veður.