Heimild: Sky
Hólmar Örn Eyjólfsson leikmaður West Ham sem var í gær lánaður til Roeselare segir að það muni hjálpa sér að bæta sig að fá að spila um stig í hverri viku.
Hólmari hefur ekki tekist að brjótast inn í aðallið West Ham en hann gekk í raðir félagsins sumarið 2008 frá HK þar sem hann er uppalinn.
,,Hjá West Ham hef ég ekki spilað mikið svo hjá Roeselare vil ég spila fleiri mínútur," sagði Hólmar.
,,Að spila um stig í hverri einustu viku mun bara hjálpa mér að verða sterkari."
Hjá Roeselare hittir Hólmar fyrir liðsfélaga sinn hjá U21 árs landsliðinu, Bjarna Þór Viðarsson en þeir eru báðir fastamenn í U21 liðinu þar sem faðir Hólmars, Eyjólfur Sverrisson er þjálfari.
Athugasemdir
