Nott. Forest 1 - 1 Chelsea
0-1 Raheem Sterling ('16 )
1-1 Serge Aurier ('63 )
Það var svo sannarlega leikur tveggja hálfleika þegar Nottingham Forest og Chelsea áttust við í ensku úrvalsdeilinni í kvöld.
Chelsea var með öll völd á vellinum í fyrri hálfleik og komst í forystu eftir rúmlega stundarfjórðung þegar Raheem Sterling skoraði. Hann fylgdi eftir mögnuðu skoti Wily Boly sem var næstum því búinn að skora sjálfsmark.
Rétt áður hafði Brennan Johnson sloppið í gegn og hefði getajð komið Forest í forytuna en lét Kepa verja frá sér.
Forest liðið kom mun sterkara inn í síðari hálfleikinn og það skilaði sér eftir klukkutíma leik þegar Serge Aurier kom boltanum í netið með glæsibrag.
Chelsea tók við sér undir lok leiksins en það var of seint og jafntefli niðurstaðan.
