Víðir fór á Samsung-völlinn og vann.
Víðir Garði er með fjögur stig í þriðja sæti Riðils 1 í B-deild Lengjubikars karla eftir sigur á KFG á Samsung-vellinum.
Bjarni Fannar Bjarnason skoraði fyrsta mark leiksins á níundu mínútu. Það var fyrsta og eina mark leiksins því hvorugt liðið náði að koma boltanum í netið eftir það.
Víðir, sem er í 2. deild, gerði jafntefli í fyrsta leik sínum gegn Augnabliki og er því með fjögur stig núna. KFG féll úr 2. deild í fyrra og er án stiga eftir tvo leiki í Lengjubikarnum.
Það var einnig leikið í C-deild í dag þar sem SR, Skautfélag Reykjavíkur, hafði betur gegn Vatnaliljum. Bæði lið eru í 4. deild.
Hjörtur Júlíus Hjartarson, 45 ára gamall, skoraði fyrsta mark leiksins fyrir SR, en lokatölur voru 4-1. Bæði lið voru að leika sinn fyrsta leik í Lengjubikarnum í ár.
B-deild, Riðill 1
KFG 0 - 1 Víðir
0-1 Bjarni Fannar Bjarnson ('9)
C-deild, Riðill 5
SR 4 - 1 Vatnaliljur
1-0 Hjörtur Júlíus Hjartason ('23)
2-0 Hrafn Ingi Jóhannsson ('40, víti)
2-1 Andri Már Hannesson ('74)
3-1 Guðfinnur Þórir Ómarsson ('87)
4-1 Bragi Friðriksson ('92)
Athugasemdir
