Jón Guðni Fjóluson byrjaði í hjarta varnarinnar hjá Hammarby í kvöld sem spilaði við Trelleborgs í Svíþjóð.
Um var að ræða leik í 8-liða úrslitum sænska bikarsins en Hammarby vann 3-2 eftir framlengdan leik.
Jón Guðni greindist nýlega með kórónuveiruna og var ekki með íslenska landsliðinu í verkefni vikunnar.
Jón Guðni spilaði 64 mínútur í sigrinum í dag og spilar Hammarby við lið Djurgarden í undanúrslitum.
Annað Íslendingalið, Hacken, er komið í úrslitaleikinn og spilar við annað hvort félagið.
Með Hacken leika þeir Oskar Sverrisson og Valgeir Lunddal Friðriksson en hann kom til liðsins frá Val í desember.
Athugasemdir