Fabrizio Romano ræddi við Michael Zorc, yfirmann knattspyrnumála hjá Borussia Dortmund.
Zorc staðfesti í því samtali að hann hafi fundað með Mino Raiola, umboðsmanni Erling Braut Haaland, á dögunum. Raiola er nú á ferðalagi með Alf-Inge Haaland, föður Erling, að ræða við stærstu félög Evrópu.
Haaland er með söluákvæði í samningi sínum sem tekur gildi í júní 2022 en stórveldin í Evrópu vilja tryggja sér hann strax.
Romano segir, eftir samtalið við Zorc, að Haaland sé ekki falur í sumar fyrir minna en 150 milljónir evra.
Óljóst er hversu hátt ákvæði Haaland er á næsta ári, en það er talið nema minnst 75 milljónum evra.
Raiola og Haaland hafa verið að funda með Barcelona í dag og munu svo hitta stjórnendur Real Madrid í kvöld.
Athugasemdir