Íslensku leikmennirnir vinsælir á meðal unga fólksins í Póllandi

Það mættu um 1000 manns á leikinn og voru íslensku leikmennirnir mjög vinsælir á meðal áhorfenda eftir leik. Unga kynslóðin var sérstaklega spennt fyrir því að sjá okkar stelpur spila.

Sjá einnig:
Ferðaðist 600 kílómetra til að sjá Glódísi spila - „Algjört krútt"

Strákurinn sem mætti með plakat af Glódísi Perlu Viggósdóttur var ekki sá eini sem mætti með slíkt plakat. Í stúkunni voru einnig plaköt af Söru Björk Gunnarsdóttur og Karólínu Leu Vilhjálmsdóttur.

Eftir leik gáfu íslensku leikmennirnir sér tíma í áritanir og gladdi það krakkanna mjög.

Hér fyrir neðan má sjá myndir af því þegar Sveindís Jane Jónsdóttir, sem leikur með Wolfsburg, gaf áritanir eftir leik.