Boubacar Traore til Wolves (Staðfest)
Mynd: EPA
Mynd: EPA
Wolverhampton Wanderers eru búnir að næla sér í Boubacar Traore á lánssamningi út tímabilið með tæplega 10 milljón punda kaupmöguleika.
Traore er 21 árs miðjumaður frá Malí sem spilaði 27 deildarleiki er Metz féll úr Ligue 1 á síðustu leiktíð. Hann er varnarsinnaður miðjumaður og með leiki að baki fyrir yngri landslið Malí.
Hann tekur við stöðu Leander Dendoncker í leikmannahópinum og mun berjast við Joao Moutinho um sæti í byrjunarliðinu.
Traore á aðeins tvö ár eftir af samningi sínum við Marseille og gæti verðmiðinn á honum því lækkað næsta sumar, nema hann eigi draumatímabil með Úlfunum.
Traore er fimmti leikmaðurinn til að ganga í raðir Úlfanna í sumar eftir Sasa Kalajdzic, Nathan Collins, Goncalo Guedes og Matheus Nunes.
Þeir eru aðeins með þrjú stig eftir fimm umferðir og eiga eftir að vinna fótboltaleik á nýju úrvalsdeildartímabili.
Our new man from Mali 🇲🇱 pic.twitter.com/WhaZmyqRP4
— Wolves (@Wolves) September 1, 2022
