„Það er ekki 100% með neinn , við erum að meta stöðuna, skoða hópinn og sjá hvað leikmennirnir vilja gera," sagði Siggi aðspurður um stöðu þessara samningslausu leikmanna.

Leiknir var með tvo leikmenn frá Suður-Ameríku í sumar. Er möguleiki á því að Manga Escobar verði áfram?

„Nei, það eru núll prósent líkur á því. Octavio er líka á förum, hvorugur þeirra verður með okkur á næsta tímabili."

Eðlileg þróun á ferli Smit - Komið til tals að fá Hannes
Greint var frá því á dögunum að Guy Smit væri að ganga í raðir Vals. Voru það vonbrigði að hann ákvað að halda annað?

„Nei, það voru ekki vonbrigði. Við vorum alveg viðbúnir því, okkur fannst það eðlilegt þróun á hans ferli að hann færi í stærra félag. Hann hefur alltaf verið á eins árs samningi og metnaðurinn hans liggur í að fara í Val sem er bara flott."

Óvissa ríkir um framtíð Hannesar Þórs Halldórssonar hjá Val en hann er uppalinn hjá Leikni. Hefur komið til tals að reyna fá Hannes heim í Holtið? „Já, það hefur alveg verið rætt en ekkert farið neitt lengra en það."

Breiðhyltingurinn Óttar Bjarni Guðmundsson er að renna út á samningi hjá ÍA. Hafiði verið í bandi við hann?

„Nei, við höfum ekki gert það, hann er í flottu verkefni hjá ÍA núna. Við höfum ekkert haft samband við ÍA eða hann varðandi hans mál," sagði Siggi.