Stjarnan og Fram áttust við í A-deild Lengjubikarsins í kvöld á meðan Valur tók á móti HK.
Viðureignin í Garðabæ var sýnd í beinni útsendingu á Stöð 2 Sport 2 og var leikurinn afar jafn. Það var lítið um dauðafæri en leikurinn var þó þokkalega opinn.
Stjörnumenn fengu hættulegri sóknir en tókst ekki að nýta færin. Það vantaði uppá gæðin á lokaþriðjungnum og lauk leiknum með markalausu jafntefli. Stjarnan endar því riðlakeppnina með 8 stig eftir 5 umferðir.
Fram er með 5 stig eftir þetta jafntefli og einn leik til góða, á heimavelli gegn Njarðvík. Fram getur því jafnað Stjörnuna á stigum með sigri í lokaumferðinni.
Stjarnan 0 - 0 Fram
Valur var með fullt hús stiga á toppi síns riðils en leikurinn gegn HK í dag virtist stefna í markalaust jafntefli þegar staðan var enn 0-0 á lokakaflanum.
Það var Lúkas Logi Heimisson sem gerði gæfumuninn með glæsilegu sigurmarki á 90. mínútu. Hann hleypti þá af skoti utan vítateigs sem söng í netinu.
Valur er því áfram með fullt hús stiga, 12 stig eftir 4 umferðir og markatöluna 8-0. HK er með sex stig.
Valur 1 - 0 HK
1-0 Lúkas Logi Heimisson ('91)