Viðureign Real Madrid og Barcelona er í fullum gangi í undanúrslitum spænska Konungsbikarsins og er staðan 0-1 fyrir Barca þegar rétt rúmar tíu mínútur eru eftir af venjulegum leiktíma.
Barca tók forystuna í fyrri hálfleik þegar varnarmenn Real skoruðu sjálfsmark eftir að Thibaut Courtois varði marktilraun Franck Kessie.
Kessie hefur verið ansi óheppinn í þessum leik. Í síðari hálfleik fékk hann furðulegt gult spjald og skömmu síðar var hann hársbreidd frá því að tvöfalda forystu Barcelona.
Boltinn rataði þó ekki í netið útaf Ansu Fati, sem hafði komið inn af varamannabekknum nokkrum mínútum fyrr. Fati reyndi að stýra boltanum í netið og sendi hann framhjá af tveggja metra færi, í stað þess að hoppa upp og hleypa honum undir sig þar sem hann hefði endað í netinu.
Sjá einnig:
Sjáðu markið: El Clasico byrjar á sjálfsmarki
