Sölvi Snær.
Það vakti athygli að Sölvi Snær Guðbjargarson var ekki í byrjunarliði Stjörnunnar þegar liðið mætti Leikni í fyrstu umferð Pepsi Max-deildarinnar í gær.
Sölvi var á dögunum valinn í æfingahóp fyrir U21 landsliðið og er af mörgum talinn mest spennandi leikmaður félagsins. Hann á stutt eftir af samningi sínum við Stjörnuna og rataði það í fjölmiðla fyrir mót að Breiðablik hefði hafið viðræður við hann. Minna en sex mánuðir eru í að samninguri Sölva renni út og því mega önnur félög ræða við hann.
Sölvi var á dögunum valinn í æfingahóp fyrir U21 landsliðið og er af mörgum talinn mest spennandi leikmaður félagsins. Hann á stutt eftir af samningi sínum við Stjörnuna og rataði það í fjölmiðla fyrir mót að Breiðablik hefði hafið viðræður við hann. Minna en sex mánuðir eru í að samninguri Sölva renni út og því mega önnur félög ræða við hann.
Stjarnan tók ekki vel í þetta uppátæki Breiðabliks og hætti við að spila æfingaleik gegn Blikum fyrir rúmri viku síðan. Stjarnan mætti þess í stað Val.
Anton Freyr Jónsson, fréttaritari Fótbolta.net á leik Stjörnunnar og Leiknis, spurði Rúnar Pál Sigmundsson, þjálfara Stjörnunnar, út í Sölva eftir leik.
Af hverju byrjaðiru með Sölva Snæ á bekknum?
„Byrjuðum með okkar sterkasta byrjunarlið." Talað um að Blikar hafi verið í viðræðum við Sölva, er það eitthvað sem þú vilt tjá þig um? „Nei nei, ég ætla ekki tjá mig neitt um það," sagði Rúnar.
Lestu um leikinn: Stjarnan 0 - 0 Leiknir R.
Sölvi verður tvítugur í sumar og lék sína fyrstu meistaraflokksleiki árið 2018. Hann á að baki sautján landsleiki fyrir yngri landsliðin.
Athugasemdir
