Rangers er búið að tryggja sér skoska meistaratitilinn en liðið hefur spilað glimrandi vel undir stjórn Steven Gerrard.
Það fór fram risaslagur í Skotlandi í hádeginu en Gerrard og hans menn mættu þá erkifjendunum í Celtic.
Celtic var heilum 20 stigum á eftir Rangers fyrir leikinn í dag en það breyttist ekki eftir lokaflautið.
Rangers vann að lokum öruggan 4-1 heimasigur og er enn taplaust á toppnum með 96 stig eftir 36 leiki.
Kemar Roofe skoraði tvö mörk fyrir Rangers í leiknum og komst reynsluboltinn Jermaine Defoe einnig á blað.
Callum McGregor var skúrkur Celtic og var rekinn af velli þegar 26 mínútur voru liðnar.
Athugasemdir
