Bolton hefur sett stuðningsmann sinn í bann frá félaginu eftir að hann gerðist sekur um rasisma á leik gegn Burton á nýársdag.
„Einum af öryggisvörðum okkar var tilkynnt um kynþáttafordóma á leiknum. Einstaklingnum var vikið af vellinum um leið og hefur nú verið settur í bann," sagði í tilkynningu Bolton.
Málið er til rannsóknar hjá lögreglunni á stóra Manchester-svæðinu.
„Fótboltafélagið Bolton Wanderers líður ekki rasisma eða annars konar mismunun og mun ekki hika við að grípa til viðeigandi aðgerða."
Annars staðar á Englandi þá voru þrír handteknir á leik Brighton og Chelsea og þá varð James McClean, leikmaður Stoke, fyrir fordómum í leik gegn Huddersfield.
Athugasemdir