Biancone gerir þriggja ára samning við Forest (Staðfest)

BIancone er 22 ára gamall hægri bakvörður en hann lék sinn fyrsta leik fyrir Monaco á atvinnumannaferli sínum 18 ára gamall. Hann fór síðan á láni til Cercle Brugge í Belgíu í tvö ár.

Hann hjálpaði síðan Troyes að halda sæti sínu í efstu deild í Frakklandi á síðustu leiktíð eftir að félagið hafði unnið sér sæti í deildinni tímabilið á undan.

Biancone kemur til með að leysa Djedd Spence af hólmi en hann var á láni hjá Forest á síðustu leiktíð frá Middlesbrough. Hann er að öllum líkindum á leið til Tottenham.

Hann getur bæði spilað sem hægri bakvörður og miðvörður.