Mikel Arteta þjálfari Arsenal vill halda Thomas Partey hjá félaginu en samningur hans rennur út næsta sumar.
Partey hefur verið mikilvægur hlekkur í liði Arsenal á upphafi nýs tímabils þar sem hann hefur verið að spila afar vel bæði sem djúpur miðjumaður og sem hægri bakvörður þegar þess þarf.
„Hann er bara 31 árs og er á mjög góðum stað bæði líkamlega og andlega. Við munum fara í samningsviðræður við hann," sagði Arteta.
„Thomas er að leggja gríðarlega mikla vinnu á sig til að vera í toppstandi."
Partey verður ekki 32 ára fyrr en næsta sumar, en hann hefur í heildina spilað 126 leiki á rétt rúmlega fjórum árum eftir að Arsenal keypti hann frá Atlético Madrid.
Þá staðfesti Arteta að japanski varnarmaðurinn Takehiro Tomiyasu mun ekki geta spilað fótbolta aftur fyrr en eftir landsleikjahléð í miðjum mánuði.
Tomiyasu er 25 ára með 84 leiki að baki fyrir Arsenal. Hann á tvö ár eftir af samningi með möguleika á auka ári.
Athugasemdir
