Þróttur R. sótti þrjú stig í Mosfellsbæinn í kvöld þegar liðið sigraði Aftureldingu 2-0. Íris Dögg Gunnarsdóttir, markvörður Þróttar var sátt með sigurinn eftir leik.
„Þetta var upp og niður fannst mér, en mér fannst við alltaf vera með yfirhöndina," sagði Íris Dögg.
Það var lengi vel markalaust en Þróttur náði yfirhöndinni með marki á 74. mínútu. Íris sagði að það hafi verið gott að sjá boltann í netinu.
„Það var bara geggjað, það var náttúrulega best þegar annað markið kom, það skipti máli, þá var þetta bara búið."
Lestu um leikinn: Afturelding 0 - 2 Þróttur R.
Íris Dögg var kölluð út í EM hópinn í sumar, þegar Telma Ívarsdóttir meiddist á æfingu íslenska landsliðsins.
„Það var bara geðveikt, maður bara beið eftir því," sagði Íris Dögg.
En var þetta óvænt?
„Já náttúrulega kannski að vera komin fimmti inn, þannig já auðvitað."
Írisi fannst geggjað að taka þátt í EM ævintýrinu með landsliðinu.
„Það var bara geggjað, þetta er eitthvað sem maður upplifir ekki oft og ég naut mín í botn."
Þegar Íris fór í Þrótt í fyrra sá hún ekki alveg fyrir sér að vera að fara á lokamót með landsliðinu.
„Nei alls ekki, ekki fyrr en ég fór að æfa með Jamie þá vissi ég að ég ætti alveg gott eftir, þannig hann kom mér í þetta," sagði Íris Dögg.
Viðtalið í heild sinni má sjá í spilaranum hér fyrir ofan.
