Liverpool steinlá gegn Aston Villa og tapaði 7-2 á útivelli. Adrian átti skelfilegan leik á milli stanganna en hann var ekki einn um að eiga slæman dag.
Jamie Carragher ræddi leikinn á Sky Sports og sagði hann sýna fram á að Liverpool vanti betri varamarkvörð. Adrian spilaði í fjarveru Alisson sem meiddist á æfingu.
„Alisson er að lenda mikið í meiðslum og Adrian er ekki nægilega góður varamarkvörður," sagði hann í beinni útsendingu.
„Hann sýndi það aftur í dag, hann er virkilega lélegur með vinstri og þetta var alltof auðvelt fyrir Aston Villa.
„Það er augljóst að Liverpool þarf betri varamarkvörð. Það gengur ekki að vera hræddur í hvert sinn sem varamarkvörðurinn spilar leik."
Athugasemdir
