Juventus er tilbúið að selja miðjumanninn Nicolo Fagioli. Þessi 23 ára leikmaður á sjö landsleiki fyrir Ítalíu.
La Gazzetta dello Sport segir Fagioli ósáttan við lítinn spiltíma og að Thiago Motta, sem hefur stýrt Juventus í fimm mánuði, sé ekki sannfærður um leikmanninn.
La Gazzetta dello Sport segir Fagioli ósáttan við lítinn spiltíma og að Thiago Motta, sem hefur stýrt Juventus í fimm mánuði, sé ekki sannfærður um leikmanninn.
Fagioli hefur átt eina stoðsendingu í fimmtán leikjum á þessu tímabili en bara spilað samtals 683 mínútur.
Hann hefur ekki byrjað mótsleik síðan 22. október, 1-0 tapleikinn gegn Stuttgart í Meistaradeildinni.
Gazzettan segir að Motta sé ekki ánægður með frammistöðu og hugarfar leikmannsins þegar hann kemur inn af bekknum.
Juventus sýndi Fagioli stuðning og aðstoð þegar hann var í banni vegna brota á veðmálareglum. Samningur hans var meira að segja framlengdur til 2028.
Juventus telur hinsvegar núna að besta í stöðunni fyrir sig og leikmanninn sé að leiðir skilji í janúarglugganum. PSG, Marseille og Napoli eru sögð hafa áhuga.
Athugasemdir
