Man Utd komst yfir snemma leiks en Tottenham sneri stöðunni við og fékk Anthony Martial rautt spjald í fyrri hálfleik. Eftir það var ekki aftur snúið og endaði Tottenham á að skora sex mörk í sögulegri niðurlægingu.

„Fyrst og fremst er ég stuðningsmaður United, þetta er félagið mitt. Ég er afar stoltur af því að klæðast þessari treyju en það eru engar afsakanir, þetta var einfaldlega ekki nógu gott. Ég vil biðja hvern einasta stuðningsmann sem horfði á þennan leik í dag innilegrar afsökunar," skrifaði Rashford.

„Þið eigið mikið betra skilið en þetta. Ég hefði haldið mig frá samfélagsmiðlum í kvöld en þið eigið skilið að heyra frá mér hvort sem gengur vel eða illa, það er enginn feluleikur.

„Mér líður ömurlega en ég lofa ykkur að við munum gera betur."