Mirror setti saman úrvalslið skipað efnilegum ungstirnum sem gætu orðið að stórum nöfnum á árinu sem er nýhafið. Leikmennirnir eiga það sameiginlegt að vera fæddir eftir 1. janúar 2002 og hefja því þetta ár sem táningar.
Leikmenn á borð við Ansu Fati, Pedri og Gavi (Barcelona); Jude Bellingham og Giovanni Reyna (Borussia Dortmund) eða Eduardo Camavinga (Real Madrid) eru ekki í liðinu enda allir orðnir risastór nöfn í heimsfótboltanum.
Leikmenn á borð við Ansu Fati, Pedri og Gavi (Barcelona); Jude Bellingham og Giovanni Reyna (Borussia Dortmund) eða Eduardo Camavinga (Real Madrid) eru ekki í liðinu enda allir orðnir risastór nöfn í heimsfótboltanum.
Líklegt er að leikmennirnir í þessu úrvalsliði verði seldir fyrir háar fjárhæðir í framtíðinni.
Maarten Vandevoordt (Genk) - Belgíski U21 landsliðsmarkvörðurinn er feikilega efnilegur og hjálpaði Genk að vinna belgíska bikarinn í fyrra. 2019 spilaði hann gegn Napoli í Meistaradeildinni og varð yngsti markvörður keppninnar frá upphafi.
Ilya Zabarnyi (Dynamo Kiev) - Þessi nítján ára varnarmaður er fastamaður í Kænugarði og er þegar búinn að spila átján landsleiki fyrir Úkraínu.
Josko Gvardiol (RB Leipzig) - Króatinn kom til RB Leipzig frá Dinamo Zagreb og getur bæði spilað sem vinstri bakvörður og miðjumaður.
Piero Hincapie (Bayer Leverkusen) - Ekvadorinn hefur þegar spilað í Argentínu og Þýskalandi. Hefur spilað reglulega fyrir Bayer Leverkusen á tímabilinu.
Aaron Hickey (Bologna) - Skotanum unga hefur verið líkt við Andy Robertson. Bakvörður sem er fæddur í Glasgow og kom til Bologna frá Hearts en hann getur einnig spilað á miðjunni.
Pape Sarr (Metz/Tottenham) - Senegalski landsliðsmaðurinn er varnartengiliður en er þegar kominn með fjögur mörk á tímabilinu.
Ryan Gravenberch (Ajax) - Leikmaður sem hefur þegar leikið tíu landsleiki fyrir Holland og lengi verið ein bjartasta von Ajax.
Florian Wirtz (Bayer Leverkusen) - Þessi átján ára sóknarmiðjumaður er þegar orðin stjarna í þýsku Bundesligunni. Kominn með fjóra landsleiki fyrir Þýskaland og hefur skorað 18 mörk fyrir Leverkusen.
Adam Hlozek (Sparta Prag) - Bjartasta von Tékklands sem getur spilað allar sóknarstöðurnar og hefur verið orðaður við Liverpool.
Karim Adeyemi (RB Salzburg) - Stjarna hans hefur skinið skært í Meistaradeildinni og stærstu félög heims horfa löngunaraugum til hans. Skoraði fjögur mörk í riðlakeppninni.
Kamaldeen Sulemana (Rennes) - Hefur spilað frábærlega síðan hann kom til Frakklands frá Nordsjælland. Er kominn í landslið Gana.
Athugasemdir
