Það er stórleikur í ensku úrvalsdeildinni á morgun þegar Englandsmeistarar Liverpool taka á móti Manchester City á Anfield.

Fyrir leikinn er Liverpool sjö stigum á eftir City, sem er á toppi deildarinnar. City á þá leik til góða og því augljóst að Liverpool má við engu öðru en sigri á morgun.

Aðal spurningin fyrir morgundaginn er hverjir verða miðverðir Liverpool.

Þeir Jordan Henderson og Nathaniel Phillips spiluðu í miðvarðarstöðunum í 1-0 tapi gegn Brighton í vikunni.

Guardian spáir því að Fabinho komi inn í liðið eftir meiðsli og Ozan Kabak, sem var fenginn á láni frá Schalke á gluggadeginum, komi inn í liðið með honum.

Henderson muni færa sig upp á miðjuna með Thiago og Georginio Wijnaldum. Það mun svo líklega koma engum á óvart hverjir verða fremstu þrír; Firmino, Mane og Salah.

Guardian spáir því að Kyle Walker og Oleksandr Zinchenko verði bakverðir hjá Manchester City. Gundogan og Fernandinho byrji á miðjunni og Phil Foden muni einnig byrja. Kevin de Bruyne og Sergio Aguero eru að glíma við meiðsli.

Hér að neðan má sjá líkleg byrjunarlið að mati Guardian.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit